Është racë mishatake franceze, që e ka marrë emrin sipas provincës Limuzin në pjesën perëndimore të Francës.
Është krijuar në viset mjaftë të varfra me ushqim. Paraqet një racë të fortë e cila shfrytëzohet edhe për punë. Mund të kaloj tërë vitin jashtë stalle, vetëm në kullosë. Është racë mjaftë e madhe, me lartësi mesatare të xhidavisë rreth 138 cm te femrat dhe rreth 143 cm te damat. Masa trupore e gjedhëve është 500-850 kg, e demave rreth 1100 kg dhe me rreze të mishit 60-68%.
Kjo racë ka ngjyrë gruri në të kuqe, apo të verdhë të mbylltë në ngjyrë kafe, me “syza” me shkëlqim rreth syve. Kokën e ka të shkurtër me ballë të gjerë, ka brirë mesatar (ose pa brirë), qafën e ka të shkurtër, shpatullat mirë lidhen me kafazin e kraharorit, trupin e ka të thellë e të gjatë, me shpinë mjaftë të gjatë, këmbët relativisht të shkurtra, të forta dhe me eshtra të drejtë.
Veti mjaftë me rëndësi e kësaj race është sasia e lartë e mishit cilësor në çfarëdo moshe të jetës. Shikuar në përgjithësi, raca Limuzinë karakterizohet me prodhimtari të lartë të mishit cilësor.
Prodhimtarinë e qumështit e ka të ulët dhe mjafton vetëm sa për ta ushqyer viçin. Gjatë laktacionit prodhon 1.500-2.000 kg qumësht me 4% yndyrë.
Karakteristik racore është lindja (pjellja) me vështirësi e viçit, me masë mesatare rreth 40 kg. Është eksportuar në mjaftë vende të ndryshme të botës.
Burimi: Libri “Blegtoria e Veçantë”