Në vitin 2021 Turqia ka eksportuar në 122 vende 344 mijë e 370 tonë lajthi dhe ka siguruar 2 miliardë e 260 milionë e 105 mijë dollarë të ardhura.
Siç bën të ditur Shoqata e Eksportuesve të Lajthisë dhe Produkteve të saj në Rajonin e Detit të Zi kjo është sasia më e madhe e lajthisë që Turqia ka eksportuar ndonjëherë në historinë e saj të Republikës.
Sezoni i eksportit 2021-2022 vazhdon, thotë komunikata e shoqatës dhe vijon si më poshtë:
“Për periudhën 1 shtator-31 dhjetor 2021 të sezonit 2021-2022 janë eksportuar 981 milionë e 190 mijë e 866 dollarë lajthi, ose 158 mijë e 465 tonë e shprehur në sasi. Pritet që në fund të sezonit (2021-22) eksporti të kapërcejë 350 mijë tonët dhe të arrihet një rekord i ri”./TRT