Agjencia Turke për Bashkëpunim dhe Koordinim (TIKA), e cila që një kohë të gjatë vepron në Kosovë, u ka dalë në ndihmë shumë fermerëve duke i mbështetur në fushën e bujqësisë.
Në vazhdën e përkrahjes në shumë sektor të bujqësisë, TIKA po vazhdon të mbështes edhe sektorin e blegtorisë dhe arsimit në kuadër të Programit të Sigurisë së Ushqimit dhe Jetesës të implementuar nga TIKA në Kosovë.
Në kuadër të Projektit për Fisnikërimin dhe Zhvillimin e Bagëtive të Imta në Kosovë janë marrë mostrat e para për punimet e diplomës të cilat do të përgatiten nga studentët e Fakultetit të Bujqësisë dhe Veterinarisë.
Në përfundim të programit planifikohen të përgatiten tetë punime të diplomës të nivelit bachelor dhe dy punime të diplomës të nivelit master. /Gazeta Bujku