Sultjashi për shumë nga ne është një ndër ëmbëlsirat e preferuara, pasi na kujton fëmijërinë. Që nga kultura aziatike e deri në atë evropiane, kjo ëmbëlsirë është gatuar gjithmonë, megjithëse në forma të ndryshme.
Sot ne po ju sjellim recetën tradicionale të sultjashit me qumësht dhe oriz.
Përbërësit:
- 1 litër qumësht
- 200 gram oriz
- 100 gram sheqer
- vanilje pluhur
- kanellë pluhur
Përgatitja:
- Në një tenxhere të madhe hedhim qumështin që të vlojë, sheqerin dhe vaniljen.
- Më pas shtojmë orizin dhe përziejmë vazhdimisht, që përbërësit të mos ngjiten. Për rreth 30-40 minuta e lëmë në sobë derisa uji të shterrojë dhe orizi të jetë zierë.
- Sultjashin e hedhim në enë të vogla të lagura më parë me ujë të ftohtë dhe e dekorojmë sipas dëshirës me kanellë, rrush të thatë etj.
- E lini për rreth 20-30 minuta në frigorifer dhe e shërbeni të ftohtë! Ju bëftë mirë! /Shije.al
