Prodhuesit në Denizli vitin e kaluar prodhuan 35 mijë tonë qiqra, dhe nga këto 4 mijë e 500 tonë i dërguan në tregjet e 14 vendeve dhe siguruan nga ky eksport 24 milionë dollarë
Po shtohet për çdo vit e më shumë sasia e qiqrave të pjekura që dërgohen në tregjet botërore.
70% e prodhimit vjetor të qiqrave të pjekura në Turqi, që është rreth 50 mijë tonë, e përballon provinca Serinhisar e Denizlisë.
Prodhuesit në Denizli vitin e kaluar prodhuan 35 mijë tonë qiqra, dhe nga këto 4 mijë e 500 tonë i dërguan në tregjet e 14 vendeve dhe siguruan nga ky eksport 24 milionë dollarë.
Këtë shije tradicionale prodhuesit turq vitet e fundit e kanë bashkuar me mëlmesa të ndryshme dhe kanë nxjerrë në treg 45 lloje qiqrash të pjekura. Nga njëra anë ata punojnë në drejtim të hyrjes në tregje të reja, kurse nga ana tjetër realizojë aktivitete promovuese, në veçanti për zbulimin e këtij produkti nga personat që mbajnë dietë.
Presidenti i Bursës Tregtare të Denizlisë, Ibrahim Tefenlili thotë se qiqrën turke të pjekur më shumë e konsumon Tunizia me 809 tonë në vit, pastaj vijnë tregjet e tjera si: Greqi, Spanjë, Izrael dhe Shtetet e Bashkuara të Amerikës (ShBA).
Produktet me salcë, që janë zhvilluar rishtazi, zënë një vend të madh në rritjen e eksporteve,- sqaron Tefenlili dhe shton se llojet e qiqrave të pjekura që shkojnë më shumë jashtë shtetit, janë ato me çokollatë, me kripë, susam, të veshura (me sheqer etj.) dhe me hardall, dhe po vazhdojnë të punojnë për shtimin e llojeve.
Qiqrat e pjekura zënë një vend kryesor në kulturën turke të konsumit të frutave të thata./trt.tr.shqip
