Klubi i Prodhueseve të Kosovës (KPK) e përkrah dhe e mirëpret vendimin e sotëm të Qeverisë së Republikës së Kosovës për miratimin e vendimit të Ministrit të Tregtisë dhe Industrisë Endrit Shala që produkteve të importuara nga Serbia dhe Bosnja dhe Hercegovina të ju vihet taksë prej 100 për qind.
“Klubi i Prodhuesve e përkrah një vendim të tillë kur kihet parasysh pengesat e vazhdueshme që këto dy shtete i kanë bërë produkteve të Kosovës për depërtimin në tregjet e tyre, e që në masë të madhe ka dëmtuar prodhuesit e Kosovës duke i bërë jo-konkurrues.”
“Po ashtu përkrah vendimin për largimin e të gjitha produkteve që importohen nuk e mbajnë emrin e Republikës së Kosovës. Ky vendim do të mbrojë interesat e prodhimeve vendore dhe përbën një lehtësim për prodhuesit vendor”, thuhet në njoftimin e KPK-së./Gazeta Bujku
