Kryetari i Autoritetit Kosovar i Konkurrencës, Valon Prestreshi, ka thënë për gazetën “Epoka e re”, se ky institucion nëse vërteton ndonjë rast që tregtarët kanë bërë marrëveshje gojore apo më shkrim për të rritur çmimet në treg, atëherë për ta do të ketë masa rigoroze.
Ai ka folur edhe për dyshimet e mundshme në rast të ngritjes së çmimit të bukës nga furrtarët e Prizrenit.
Po ashtu Prestreshi, ka paralajmëruar dënime deri në 10 për qind të fitimit të vitit paraprak nëse vërtetohen marrëveshjet e fshehta. “Nëse ka prova që është bërë ndonjë ‘kartel’. Tregtarët do të dënohen deri në 10 për qind të fitimit të qarkullimit vjetor të vitit paraprak. Nëse një biznes ka 1 milion euro fitim qarkullim, atëherë gjoba do të jetë 100.000 euro. Si autoritet i kemi gjobat më të larta nga të gjitha institucionet e vendit”, ka thënë Prestreshi./Epoka e re
