gritja e temperaturave gjatë sezonit veror rritë mundësinë e ngritjes së numrit të baktereve në qumësht gjë që mund të rezultojë edhe me ndryshimin e parametrave të qumështit të freskët sidomos në shkallën e aciditetit, numrit të përgjithshëm të baktereve dhe atyre të rrezikshme për shëndetin e konsumatorit.
Me qëllim që të arrihen rezultatet pozitive në zhvillimin e sektorit dhe ruajtjes së shëndetit të konsumatorit përmes qumështit të pasterizuar gjatë sezonit veror duhet të shtohet kujdesi në të gjitha fazat e prodhimit, përpunimit dhe ruajtjes së qumështit. Pra në sezonin veror është përgjegjësi e të gjithëve: prodhuesve, përpunuesve dhe tregtuesve që të shtojnë kujdesin me qëllim që të prodhohet qumësht cilësor dhe që garanton shëndetin e konsumatorit.
Përgjegjësitë e prodhuesve:
- Ngritja e nivelit të higjienës në fermë: largimi i plehut, ajrosja, ndriçimi dhe masat tjera higjienike;
- Ngritja e nivelit të higjienës së kafshëve dhe kujdesit: pastrimi i kafshëve, pastrimi dhe dezinfektimi i gjirit;
- Higjiena e pajisjeve mjelëse: pastrimi, dezinfektimi dhe shpëlarja e pajisjeve mjelëse dhe pajisjeve për ruajtjen dhe transportin e qumështit ( laktofrizët dhe bidonët);
- Higjiena personale: larja e duarve, rrobave dhe mbathjeve;
- Të mos lejoj hyrjen në fermë të personave tjerë;
- Deponimi i qumështit të bëhet në temperaturë deri në 5° C dhe
- Të realizoj analizat e qumështit përmes projektit “ Transparenca dhe neutraliteti në marrjen e mostrave
Përgjegjësitë e përpunuesve:
- Analizat e qumështit përmes projektit “ Transparenca dhe neutraliteti në marrjen e mostrave” dhe në laboratorët interno të qumështores;
- Pastrimi dhe dezinfektimi i mjeteve për transportin dhe ruajtjen e qumështit;
- Trajtimi ndaras i qumështit të freskët për prodhimin e qumështit të pasterizuar nga qumështi për prodhimet tjera nga pranimi deri në përpunim;
- Ruajtja në temperaturë deri në 5° C;
- Pastrimi dhe dezinfektimi i pajisjeve dhe linjave teknologjike;
- Kontrolli i temperaturës së pasterizimit, rekomandohet të aplikohen edhe analizat e kohë pas kohëshme laboratorike për kontrollin e pasterizimit ( prova e fosfatazës) dhe
- Transporti gjatë furnizimit me transportues frigorifer dhe në temperaturë adekuate.
Përgjegjësitë e tregtuesve:
- Ruajtja e qumështit të bëhet ndaras dhe temperatura e ruajtjes të jetë sipas rekomandimeve të prodhuesit;
- Ndalohet rreptësisht që qumështi të ekspozohet në temperatura të larta dhe në diell.;
- Kontrolli i rregullt i temperaturës së frigoriferëve.
Përgjegjësitë e AUV
- Të shtoj numrin e kontrollit në nivel të fermave, përpunuesve dhe tregtuesve;
- Të ngritë numrin e marrjes së mostrave me qëllim të verifikimit të sigurisë dhe cilësisë
- Të intensifikojë bashkëpunimin me projektin “ Transparenca dhe neutraliteti në marrjen e mostrave” dhe me Laboratorin e AUV dhe
- Të aplikoj masa shtesë, sipas nevojës, për ruajtjen e shëndetit të konsumatorit.
Përgjegjësitë e shoqatave të prodhuesve dhe përpunuesve të qumështit dhe personeli i Projektit“ Transparenca dhe neutraliteti në marrjen e mostrave”
- Ushtrimit të mandatit të tyre në informimin dhe sensibilizimin e partnerëve të tyre dhe
- Ngritja e nivelit të komunikimit dhe sensibilizimit me partnerë./Gazeta Bujku /qumeshtiivendittim
