Të bukura për t’u parë, të mira për tu ngrënë dhe për shëndetin e bukurinë. Fjala është për dredhëzat.
Forma e tyre si zemër dhe ngjyra e gjallë të tërheqin shikimin dhe të shtojnë nepsin për t’i shijuar. Dhe pse kanë shije të ëmbël dredhëzat kanë pak kalori dhe janë mjaft të mira për një dietë dobësimi.
Dredhëzat përmbajnë vitaminën C dhe flavonoidë. Vetëm pesë luleshtrydhe kanë sasi të kësaj vitamine sa një portokall.
Për më tepër ky frut është një antioksidant që lufton radikalet e lira dhe plakjen e lëkurës.
Dredhëzat ndihmojnë në prodhimin e kolesterolit të mirë dhe qëndrueshmërisë së tensionit të gjakut.
Po ashtu janë të pasura me ujë dhe përmbajnë shumë pak kalori, 100 gram i këtij fruti kanë vetëm 30 kalori. Janë ëmbëlsira ideale për të shijuar, duke shtuar dhe pak lëng limoni. /Gazeta Bujku/ FamiljadheShëndeti
