Ministri i Financave Bedri Hamza, kryetari i Kuvendit të Kosovës Kadri Veseli dhe ministri i Inovacionit Besim Beqaj, sot kanë mbajtur takim publik me përfaqësuesit e bizneseve dhe odave ekonomike të Republikës së Kosovës.
Me këtë rast, bizneset u informuan për punën dhe angazhimin e Ministrisë së Financave në lidhje me ndryshimet e politikave fiskale të cilat po ndodhin tani, si dhe për iniciativat e reja në këtë fushë.
Në këtë takim gjithashtu u dëgjuan kërkesat e bizneseve të cilat kanë të bëjnë me ndryshimet në të ardhmen në politikat fiskale, me qëllim të krijimit të një ambienti sa më të mirë të të bërit biznes në Kosovë./Gazeta Bujku