Bakllavaja është një ëmbëlsirë turke, së cilës i kanë dalë për zot shumë krahina dhe e quajnë të tyren. Historia e saj arrin deri tek asirianët e lashtë. Ajo bëhet duke vendosur mes petave të holla, sipas krahinave, arra, stika, lajthi…etj.
Sipas shijes së sherbetit dhe içit, përmenden lloje të ndryshme bakllavashë. Me rastin e ditëve të veçanta, të ftesave për iftare ose të bajrameve, na kap një telash i ëmbël. Në fakt, nuk është dhe shumë e vështirë të bësh bakllava. Këtë mund ta vëreni, në qoftë se e praktikoni recetën shkallë- shkallë. Tani le të kalojmë te receta:
PËRBËRËSIT PËR BRUMIN
2 vezë
Miell për bakllava
2 lugë uthull
Pak kripë
1 gotë uji qumësht i ngrohtë
Maja
Një gotë çaji gjalpë i shkrirë
Pak niseshte
IÇI
Arra, lajthi ose stika
250 gramë gjalpë i shkrirë
PËR SHERBETIN
5 gota uji sheqer
3.5 gota uji ujë
Gjysmë limoni
Në enën ku do të përgatisim brumin hedhim vezët, qumështin, gjalpin, uthullën dhe kripën dhe i rrahim. U hedhim miell dhe e mbrujmë, deri sa të bëhet një brumë i ngjeshur. Brumi ndahet në copa në madhësinë e një arre dhe lihet të pushojë.
Më vonë, fillojmë t’i hapim me okllai, duke përdorur nisheste dhe i hapim deri në madhësinë e një pjate gjelle. Duke vendosur nisheste mes tyre, vendosim 16-18 peta një mbi një. (Sipas dëshirës mund të bëhen dhe nga një dhjetëshe peta bashkë.) Në këtë mënyrë, përftohen tre grupe prej 16 petash.
Tepsia lyhet me gjalpë. Merret një grup 16 petësh dhe hapet në gjerësinë e tepsisë. E shtrojmë në tepsi dhe sipër i hedhim gjysmën e arrave. Hapet dhe grupi i dytë dhe sipër i hedhim arrat e betura.
Së fundi, hapet dhe grupi i tretë dhe e vendosim sipër. Bakllavaja pritet në formën e saj karakteristike. Pastaj sipër i hedhim gjalpin e nxehtë, në mënyrë që të përhapet në çdo anë. E pjekim në furrë në 200 gradë, deri sa të skuqet përsipër.
Ndërkohë që bakllavaja piqet, vendosim në një tenxhere sheqer, ujë dhe lëkurë limoni të grirë dhe për 15-20 minuta e ziejmë deri sa të marrë trajtën e ajkës.
Pasi piqet, bakllavaja nxirret nga furra dhe lihet të ftohet. (Sipas dëshirës, për një sipërfaqe sa më të shndritshme mund ta lyejmë sipërfaqen e bakllavës me yndyrë). Në këtë moment i hidhet sherbeti i nxehtë. Bakllavaja duhet të serviret pasi ta thithë mirë sherbetin.
Shënim: Petat mund të hapen dhe një nga një. Hapja një nga një ia shton bukurinë dhe shijen.
Këshillë për një bakllavë të lezetshme
Mënyra e parë për të pasur sukses në bërjen e një bakllavaje të mirë është përdorimi i produkteve
të freskëta dhe cilësore. Veçanërisht, mielli duhet të jetë miell bakllavaje i klasit të parë.
-Sa më e hollë që të hollohet peta, aq më e mirë vjen në gojë bakllavaja.
-Sasia e nishestesë duhet të rregullohet mirë, nishesteja e tepërt e than brumin.
-Vezët e tepërta vështirësojnë hapjen e brumit.
-Gjatë pjekjes duhet të kemi kujdes nxehtësinë, sepse bakllavaja nuk duhet tharë shumë.
-Brumi nuk duhet zënë shumë i fortë.
-Sherbeti duhet të jetë më viskoz (i trashë) se i ëmbëlsirave tjera.
-Në qoftë se gjatë pjekjes kapaku i furrës hapet herë pas here, do të kemi qarkullim të ajrit, çka do të sigurojë pjekjen e pjesës së brendshme të brumit.
-Sherbeti duhet të jetë i nxehtë dhe bakllavaja e ftohtë.
-Bakllavanë mund ta ruajmë për një kohë pa ia hedhur sherbetin.
Kur të duam t’ia hedhim sherbetin, mund ta ngrohim pak në furrë, në mënyrë që bakllavaja ta thithë më mirë atë./Revista vesë
