Komuna e Skenderajt, përkatësisht Drejtoria për Bujqësi, Pylltari dhe Zhvillim Rural, po vazhdon t’i mbështesë fermerët e komunës, me anë të subvencioneve të parapara për zhvillimin e bujqësisë.
Me këtë rast, ka hapur thirrjen për aplikim, duke ftuar të gjithë fermerët e interesuar e sektorit të pemëtarisë të aplikojnë në kuadër të projektit “Mjete të punës”.
Pakoja mbështetëse për fermerë përmban; pompë spërkatëse me bateri dhe panel solar; gërshërë për krasitje me dorëza vetë-zgjatëse, gërshërë për krasitje të pemëve me prerëse dyanësore, si dhe vegla të tjera të punës.
Drejtoria e Bujqësisë, Pylltarisë dhe Zhvillimit Rural, ka caktuar edhe kriteret për aplikim, ndërkaq thirrja, në kuadër të së cilës do të ndihmohen 30 fermerë, do të jetë e hapur deri më 21 nëntor./Gazeta Bujku