Karota njihet si një ndër perimet me benifite të mëdha shëndetësore
Posedon vlera të mëdha ushqyese dhe luan një rol të rëndësishëm në sistemin tonë imunitar.
Është mjaft e pasur në vitamina A, B dhe C, gjithashtu është e pasur me hekur, fosfor, kalcium, natrium, etj, mjaft të çmuara për organizmin.
Ajo përmban një substancë të quajtur beta-karotën, një lëndë ushqyese që njihet për të ndihmuar në mbrojtjen e lëkurës kundër dëmtimit nga radikalet e lira nga ekspozimi i rrezeve të diellit.
Beta karoteni përmirëson shikimin e natës dhe gjithashtu mbron kundër problemeve të syve, ndihmon personat të cilët vuajnë nga lodhja dhe stresi.
Falë vlerave të larta ushqyese që i posedon njihet edhe si: antioksidant dhe anti-inflamator duke e lehtësuar kështu organizmin në raste bronhitesh apo gripi.
Meqenëse përmban sasi të madhe me Vitamine A, ndihmon mëlçinë në largimin e helmeve nga trupi.
Nivelet e larta me beta-karotën ndihmojnë në ngadalësimin e plakjes së qelizave.
Përdorimi i rregullt i karotës jep rezultat edhe në shëndetin e zemrës, parandalon kancerin dhe luan rol të rëndësishëm gjatë shtatzënisë pasi që ndihmon në zhvillimin e duhur të frytit.
Mbani mend:
Kur blini këto perime të shijshme dhe me vlera të larta ushqyese, është e këshillueshme që të zgjidhni prodhimin e rritur në mënyrë organike sa herë që të jetë e mundur. Sipas hulumtimit, karota të kultivuara në mënyrë konvencionale janë ndër perimet më të ndotura (në aspektin e pesticideve dhe përmbajtjes kimike). /Gazeta Bujku
—
Përgatiti: Ajshe Leka / konsulentë për nutricion dhe dietologji: fb.com/nutricistedietologe