Sot u be hapja e panairit rajonal të produkteve vendore në Kryeqytet. Ky është panairi i parë i këtij lloji dhe është financuar nga ADA Austriake. Panairi do të qëndrojë i hapur nga 1 deri me 3 nëntor, në sheshin “Zahir Pajaziti dhe prodhimet e tyre janë duke i ekspozuar 30 fermerë dhe prodhues të rajonit të Prishtinës.
Komuna e Prishtinës është e përkushtuar që të ju ofrojë mbështetje ekonomive familjare dhe ndërmarrjeve bujqësore prodhuese e përpunuese të territorit të Prishtinës, që të promovojnë prodhimet e tyre, në mënyrë që të kemi zhvillim rural të qëndrueshëm në Kryeqytet.
Nënkryetari i Prishtinës Selim Pacolli ka thënë: “Po e hapim duke pas parasysh se komuna e Prishtinës është duke punuar në përkrahje të të gjithë fermerëve. Jemi përkrahës të të gjitha iniciativa të tilla që ofrojnë mundësi zhvillimi të sektorit të bujqësisë dhe turizmit rural. I inkurajoj fermerët që të zhvillojnë veprimtarinë e tyre dhe iu premtoj se do ti mbështesim në çdo kërkesë të tyre”.
Ndërsa Arsim Aziri, nga Agjencioni austriak për zhvillim, ka theksuar se për qeverinë austriake, zhvillimi ekonomik në zona rurale është prioritet .
“Gjatë këtij bashkëpunimi dy vjeçar afër 2 milionë euro janë dhënë për përkrahje të fermerëve në të gjithë sektorët e bujqësisë”, ka thënë Aziri.
Fermerët janë shprehur të kënaqur me hapjen e këtij panairi pasi kanë mundësi t’i shesin produktet e tyre të freskëta dhe promovimin e tyre./Gazeta Bujku
