Ndër masat kryesore për zhvillimin e bujqësisë organike është edhe kompostimi.
Kompostimi është proces i zbërthimit mikrobiologjik i mbeturinave kryesisht me prejardhje bimore por edhe i mbeturinave me prejardhje shtazore. Kompostimi është mënyra e natyrshme e riciklimt.
Kompostimi është i gatshëm për përdorim kur ka ngjyrë të errët kafe, apo të zezë, është i thërrmuar dhe i pasur me humus dhe me një aromë të këndshme të dheut të mirë.
Procesi i kompostimit mund të zgjasë 12-24 muaj. Faktorët që shkaktojnë këtë ndryshim janë: teknikat e shfrytëzuara, nivelet e lagështisë, balancimi i materieve të kafta dhe të gjelbëra, si dhe temperaturat sezonale.
Lagështia luan rol kyç në kompostim. Lagështia e grumbullit do te sigurojë një mjedis të përshtatshëm dhe të sigurte për mikroorganizmat (bakteret dhe kërpudhat) të cilët ndihmojnë në procesin e kompostimit.
Materialet të cilat përdoren për kompostim janë:
Copëzat e barit
Gjethet
Mbetjet e kuzhinës
Komposti i freskët ka aromë të këndshme. Erërat e këqija vijnë në mungesë të oksigjenit. Kundërmimet mundë të largohen me përzierjen e grumbullit si dhe përzierjes së materieve të kafta dhe gjelbëra së bashku. Përparësitë e kompostit janë:
Bën zvogëlimin e mbeturinave
Bën përmirësimin e vetive të dheut
Ruan lagështinë e dheut
Shndërron mbeturinat në një resurs të vlefshëm
Kursen shfrytëzimin e hapësirës së deponive
Riciklon ushqimin e përdorur duke e rikthyer në dhé. /Iadk.org
