Ulja e ndjeshme e temperaturave në vitet e fundit ka rezultuar me dëme të konsiderueshme në kulturat bujqësore e në veçanti te pemët frutore. Në kulturat pemëtare, dëmet më të mëdha nga ngricat e vonshme pranverore shkaktohen në fazën e lulëzimit dhe në atë të formimit të frutave.
Si duket edhe këtë fillim pranvere do të kemi ndryshim të temperaturave dhe reshje bore.
Sipas parashikimit të motilokal.com, nga nesër e deri të enjten pritet të kemi ndryshim moti, ku do të ketë reshje shiu dhe bore.
Të hënën parashihet reshje bore dhe temperaturat do të luhaten nga -3 deri në -1 °C. Era do të fryje me shpejtësi 4 m/s në drejtim të veri-verilindjes.
Reshjet e borës do të vazhdojnë edhe gjatë të martës edhe gjatë natës së mërkurë. Temperaturat do të lëvizin -2 deri në 2 °C.
Ndërsa nga e mërkura dhe enjtja priten ngritje të lehtë të temperaturave./Motilokal.com
