IADK është aktualisht organizata e vetme dhe udhëheqëse në Kosovë, e cila është akredituar dhe ka të validuar programin e blegtorisë nga Autoriteti Kombëtar i Kualifikimeve (AKK) në vitin 2015, në ofrimin e shërbimeve të trajnimit të arsimit joformal, përkatësisht në zhvillimin e sektorit të blegtorisë.
Duke parë nivelin e ulët të trajnimit profesional të të rinjve dhe fermerëve në Kosovë, IADK përmes këtij aktiviteti do të trajnojë fermerët mbi bazën e kurrikulave të miratuara nga Agjencia e Akreditimit të Kosovës. Pjesëmarrësit do të trajnohen në 14 module apo 230 orë të trajnimit teorik 30% dhe praktik 70% në nivel ferme që do të zgjasin 35 ditë. Në fund të trajnimit, pjesëmarrësit do të marrin titullin – Teknik i Blegtorisë i Nivelit të III.
Gjatë këtij viti IADK do të trajnojë një grup prej 15 fermerëve të Komunës së Vushtrrisë dhe Mitrovicës. Së paku 30 % e kandidatëve është e preferuar të jenë të gjinisë femërore. Pjesa teorike e trajnimeve me fermerë do të mbahet në hapësirat e IADK-së, ndërsa pjesa praktike do të mbahet në fermat model të cilat janë të mbështetura nga IADK. Seancat e trajnimeve do të mbahen nga stafi i IADK-së që janë ekspertë në sektorin e blegtorisë.
Projekti do të mbulojë shpenzimet që lidhen me trajnimet (ushqimi, transporti deri në model fermë për mësimin praktik , si dhe materialet mësimore dhe certifikimin).
Aplikacionet mund t’i merrni ne zyrat e IADK-së, ne Zyrën për Bujqësi dhe komunat e Vushtrrisë dhe Mitrovicës apo t’i shkarkoni nga web:www.iadk.org.
Nxitoni të aplikoni sa më parë ngase numri i pjesëmarrësve është i kufizuar.
Data e fundit për aplikim është 15.02.2019, ora 16:00.
