Fiku rrjedh nga Mesopotamia, në Egjipt përmendet 4.000 vite para Krishtit, por ishte edhe pema e preferuar e Kleopatrës. Konsiderohet që fiku është nga Azia Jugperëndimore, ndërsa përmes Turqisë ka arritur në Mesdhe. Sot kultivohet në të gjitha viset e ngrohta të globit të tokës. Fiku hyn në të ashtquajturat bimë të lashta, dobitë shëruese të të cilit njeriu i njeh që nga fillesat e civilizimit.
Përveç vlerave shëruese, fiku për popujt e lashtë me siguri ka paraqitur vlerë të rëndësishme religjioze ose simbolike.
Llojet e fiqve janë të shumtë
Në botë njihen rreth 900 lloje fiqsh. Në Shqipëri, kjo bimë u përshtatet më së miri kushteve tokësore e klimaterike, ka një praktikë mijëra vjeçare, dhe llojet e tij janë nga më të mirët e më të shijshmit në Mesdhe e më gjerë. Edhe në vendin tonë ka me qindra lloje fiqsh.
Mjekët dhe dietologët këshillojnë që çdo njeri të konsumojë çdo ditë të paktën nga një frut, ndërsa një shportë e madhe plot ngjyra do të ishte ajo idealja. Arsyet pse duhet ta konsumojmë fikun janë të shumtë, ndaj po listojmë disa prej shkaqeve. Shkencëtarët japonezë kanë bërë me dije se ekstrakti i fiqve, përbërësi i tyre benzaldehid, i kontribuon zvogëlimit të kancerit tek njerëzit. Fiqtë kanë treguar rezultate të shkëlqyera tek zvogëlimi i rrezikut të kancerit të prostatës.
https://youtu.be/pnYBzqwXurU
