Kultivuesit e kulturave lavërtare, tashmë kanë filluar të përgatiten për mbjelljet vjeshtore, ku pritet të nisin edhe mbjelljen e kulturës tradicionale atë të grurit.
Për këtë profesori i Bujqësisë në Universitetin e Prishtinës “Hasan Prishtina”, Imer Rusinovci, përmes një statusi në Facebook, ka bërë të ditur që koha optimale e mbjelljes së grurit është muaji tetor.
Ai ka theksuar se fabrika e farërave “Agroelita” në Klinë, ofron farë cilësore vendore të kultivarëve lartëprodhues të grurit, me të gjitha standardet që parasheh ISTA.
Postimi i plotë:
Mbjelljet optimale të grurit (gjatë tetorit), kërkojnë parapërgatitje të duhura në përgjithësi, e në veçanti sigurimin e inputeve cilësore.
Fabrika e farërave “Agroelita” në Klinë, ofron farë cilësore vendore të kultivarëve lartëprodhues të grurit, me të gjitha standardet që parasheh ISTA, të cilët kultivarë po dëshmohen në praktikë për prodhimtari të lartë dhe stabile.
Modalitetet e tilla, janë shembujt më të mirë të prodhimit vendor!/Motilokal.com