spot_img
HomeLAJMET E FUNDITManifest për Wildlife – Albanian Photography

Manifest për Wildlife – Albanian Photography

spot_img

Nga Jetmir Troshani

Një manifesto për Wildlife – Albanian Photografers, ku koncepti dhe arsyetimi i saj shkon përtej kufijve të fotografisë së jetës egër, me dëshirën e mire,  të ndikojë tek mendimin qytetar, duke sensibilizuar atë dhe duke e bërë më të ndjshëm dhe më reagues, më të përfshirë

Misioni i shoqatës Wildlife – Albanian Photagraphers, me qëndër në Kosovë, është bashkëpunimi i të gjithë fotografëve shqiptarë të zhanrit fotografik të jetës së egër, kudo ndodhen nëpër botë, me përqendrim fotografimin brenda territorit të trojeve shqiptare, për mundësimin e dokumentimit dhe mbrojtjes së faunës si asnjëherë më parë, për nga cilësia e të fotografuarit dhe paraqitjes artistike.

Dimensionet udhëzuese në mbështetje të këtij misioni janë:

Dimensioni Tekniko-Artistik!

Fotografia jo rrallë lëkundet mes dy planesh këndvështrimi, atë të vetëdijes dhe pavetëdijes, atë të reales dhe sureales, atë të teknikës dhe artistikes. Nga kjo perspektivë, shkrepja e fotografisë së këtij zhanri, duhet pozicionuar dhe kuruar në dy plane, atë teknik dhe atë artistik.

Në planin e parë kërkohet që fotografia ta paraqes subjektin e inkuadruar kristalisht qartë për të pasqyruar realisht çdo detaj përbërës dhe përshkrues të subjektit në objektiv, e si rrjedhojë bën të domosdoshme njohjen e teknikave të posaçme për realizimin e fotografisë së këtij zhanri, përfshirë këtu edhe pajisjet dhe instrumentet e nevojshme për arritjen e këtij qëllimi në një nivel sa më të lartë.

Në planin e dytë, kërkohet që shkrepjes së fotografisë ti paraprijë tendenca e një prurjeje artistike të subjektit që tenton përcjelljen estetike dhe emocionale të fotografit. Ky këndvështrim gjithashtu trajtohet si parësor pasi në të gjendet zanafilla e vetë shkrepjes së fotografisë. Kjo e fundit nisë me perceptimin e syrit të lirë të fotografit dhe zhvillohet me dëshirën e konkretizimit të këtij përceptimi fillestar nga shkrepja deri në realizimin dhe paraqitjen përfundimtare të sajë. Ky plan na njeh jo vetëm me subjektin e fotografuar dhe teknikën e përdorur por edhe me idenë, stilistikën dhe tendencat artistike të fotografit.

Dimensioni Mjedisor!

Element themelor në fotografinë e jetës së egër duhet të jetë respekti dhe dashuria për faunën dhe ekosistemin e saj në tërësi. Ky element duhet të udhëheqë ambicien e fotografit dhe vetëdijshëm ta kushtëzoje atë, që në përdorimin e kujdesshëm të lenteve të pershtatshme telefoto e deri në mbajtjen e distancës së duhur prej shpendit apo gjitarit në objektiv, me qëllim moscenimin e sjelljes së tyre të natyrshme brenda habitatit të vet. Po ashtu, për çdo shpërndarje informacioni mbi vendndodhjen e një habitati duhen marrë parasysh pasojat e dëmshme te mundshme, e si rrjedhoje parandalimi i tyre. Informimi dhe studimi i sjelljes së kafshëve të egra është një detyrë tjetër me shumë rëndësi që i bashkëngjitet këtij elementi, pasi vetëm në këtë mënyrë fotografi fiton dhe ushtron sensibilitetin e duhur ndaj mjedisit dhe e trajton atë me përkushtimin e duhur.

Dimensioni i Unitetit!

Bashkimi i të gjithë fotografëve shqiptarë të jetës së egër në ktë mision pozitiv, sa natyralist e paqësor në tërësi aq edhe kombdashës, i zhveshur nga çdo përfshirje politike apo interesa të njëanshme, natyrshëm then çdo kufi të kushtëzuar dhe forcon unitetin tonë etnik, në nivel ndërkombëtar.

 Dimensioni Filozofik!

Teoria eudiimoniste e Stoicizmit, thotë se kulmi i përpjekjes njerëzore ose “fundi” është Eudaimonia, që do të thotë “lumturia” ose “lulëzimi”.

Është pikërisht kjo filozofi që frymëzon misionin e “Wildlife – Albanian Photographers” ndërtuar në dy shtyllat e saja bazë, Virtytin dhe Disiplinën.

Në raport me fotografinë e jetës së egër, virtyti apo të qënurit i virtytshëm aplikohet në të gjitha proceset e përpikta të realizimit hap pas hapi të kësaj fotografie të cilat bëjnë të mundur një shkrepje të vetme. Të qenit të virtytshëm është një qasje racionale dhe e nevojshme drejt përmbushjes së një misioni të tillë, dhe nuk mjaftohet vetëm me të qenurit fotograf i këtij zhanri por shtrihet edhe në përkatësitë e tjera shoqërore, sociale, profesionale, dhe atë qytetare.

Disiplina në të njëjtën kohë aplikohet në të studiuarin e këmbëngulshëm dhe përditësimin e vazhdueshëm, që realizimi i këtij misioni kërkon, pa hequr dorë.

Stoikët besonin se përparimi drejt këtyre qëllimeve fisnike është jo vetëm i mundur porse përbën gjithashtu një urgjencë domosdoshmërie drejt “lumturisë”.

Këto dimensione udhëheqin aspiratën dhe mendësinë e shoqatës Wildlife – Albanian Photographers drejt dokumentimit, mbrojtjes dhe prurjes artistike të faunës shqiptarë nëpërmjet artit të fotografisë së jetës egër. /Gazeta Bujku

spot_img
spot_img
Na Ndiqni
16,985FansLike
2,458FollowersFollow
61,453SubscribersSubscribe
Lexo
spot_img
Lajme të Ngjashme