Zyra Këshillimore e Drejtorisë për Bujqësi, Pylltari dhe Zhvillim Rural e Komunës së Rahovecit, është duke qëndruar në Sofje të Bullgarisë në kuadër të projektit “Zhvillimi i Zonave Rurale përmes Avancimit të Shërbimeve Këshillimore”.
Siç njofton Drejtoria e Bujqësisë, ky projekt është i financuar nga Ministria e Bujqësisë, Pylltarisë dhe Zhvillimit Rural, ndërsa implementohet nga ESG (Economic Support Group).
Njoftimi i plotë:
Në kuadër të projektit “Zhvillimi i zonave rurale përmes avancimit të shërbimeve këshillimore” i financuar nga Ministria e Bujqësisë, Pylltarisë dhe Zhvillimit Rural – Departamenti i Shërbimeve Këshilluese dhe implementuar nga ESG-Economic Support Group, përfaqësues të MBPZHR dhe këshilltarë për bujqësi nga komunat e Kosovës ku po ashtu po merr pjesë edhe zyra për shërbime këshillimore e DBPZhR-së të cilët po qëndrojnë në Sofje të Bullgarisë, për shkëmbimin e përvojave në mes institucioneve homologe, si Shërbimi Kombëtar për Këshilla Bujqësore. /Fermerët / Gazeta Bujku
