Një prej ushqimeve apo gatimeve tradicionale të preferuara janë edhe specat e mbushur.
Ky specialitet shërbehet shumë në tryezat e familjeve kosovare dhe është pjese e pandashme e menysë në ngjarje të ndryshëm familjare siç janë : dasmat, bajramet etj.
Për përgatitjen e specave të mbushura:
1 kg speca
0.7 kg mish të bluar
2 qepë
4 – 5 domate
1 gotë oriz
2 dl vaj
2 lugë kripë
Biber te kuq
Biber te zi
Përgatitja:
Qepëve të skuqura në vaj ua shtojmë biberin e kuq, mishin, orizin, kripën dhe biberin e zi. Pastaj i mbushim specat, i rreshtojmë në tavë dhe sipëri ua hedhim domatet e prera imët, krip ose vegët, një gotë vaj, një gotë ujë dhe e fusim tavën në furrë te nxehtë. Specat i pjekim për afër një orë e gjysmë . Gjate pjekjes specat i rrotullojmë një nga një dhe i kthejmë prape ne furrë gjer sa të skuqen nga ana tjetër. Specat e mbushur me mish zakonisht servohen me tarator, turshi dhe kos.
Gazeta Bujku e boton me leje të iadk.org