Shoqata e Bletarëve të Deçanit përmes një komunikate ka shprehur shqetësimin në lidhje me shitjen e mjaltit nga tregtarët.
Kjo shoqatë njofton se ka marrë shumë shqetësime nga konsumatorët për shitjen e mjaltit nga tregtarët pa adresa të cilët thirren në emër të mjaltit të Deçanit duke e promovuar mjaltin ne rrjetet sociale, Facebook, instagram. Me “oferta qesharake 2+1 gratis”
Komunikatë e plotë:
Në kuadër te shoqatës tonë një ndër aktivitetet është edhe mbrojtja e konsumatorit.
Kohët e fundit kemi marrë shumë shqetësime nga konsumatorët për shitjen e mjaltit nga tregtarët pa adresa të cilët thirren në emër të mjaltit te Deçanit duke e promovuar mjaltin ne rrjetet sociale, Facebook, instagram. Me “oferta qesharake 2+1 gratis”
Ne si Shoqatë e Bletarëve në Deçan në baze të informacioneve nga anëtarët e shoqatës kemi ardhur ne përfundim se në këtë kohë nuk ka mjaltë në Deçan për treg deri sa nuk vjelët mjalti i vitit 2021. Andaj ju lutem keni kujdes nga kush furnizohen me mjaltë.
Ne do t’i adresojmë edhe në organet shtetërore këto shqetësime të cilat janë duke dëmtuar dhe renduar konsumatorin po ashtu edhe prodhuesit vendor.
Bashkangjitur gjeni foto.
Ju lutem shpërndajeni këtë komunikatë sa më shumë që është e mundur!
Me respekt #Shoqata #Bletarëve #Deçan
/Gazeta Bujku
