Në Parkun e Gërmisë është fotografuar zogu Kuqalashi çafkëzi (Pyrrhula pyrrhula), që sipas fotografit të botës së egër Albert Krasniqi është hera e parë që dokumentohet me fotografi.
Alberti përmes një postimi në “Gërmia Park Wildlife”, ka shkruar “nuk arrita ta besoj që po e shoh këtë shpend tepër të rrallë. Besoj që është hera e parë në vendin tonë që dokumentohet me fotografi.
“Me këtë zog tepër të bukur numri i shpendëve në Parkun e Gërmisë arrin në 64 lloje”, ka shkruar Alberti.
Duhet theksuar se Albert Krasniqi për gjatë rrugëtimit të tij në botën e egër, ka arritur të fotografojë dhe dokumentojë rreth 64 lloje të zogjve të cilët jetojnë në Parkun e Gërmisë. /Motilokal.com