IADK në kuadër të projektit për të rikthyer ka bërë përzgjedhjen e 7 përfituesve, 6 nga Rahoveci dhe 1 nga Malisheva. Përfituesit pas plotësimit të kritereve, kanë dizajnuar edhe pakot mbështetëse, dhe sot drejtori i IADK-së z. Zenel Bunjaku së bashku me ekipin e tij ka bërë shpërndarjen e 17 pajisjeve bujqësore (motokultivator, frezë 80 dhe 180, Plug 755, Kositëse 165, spërkatëse 400L, shpërndarëse plehu dhe grabujë diellore) të nevojshme për zhvillim të aktivitetit bujqësor.
Mbështetja për përfituesit do të vazhdojë me këshilla profesionale e praktike, vizita studimore dhe monitorime me qëllim që përfituesit të kenë mundësi gjenerim të të ardhurave dhe lehtësim të punës. /Gazeta Bujku