“Colours of Albania” shpalli 5 fotografitë më të bukura të edicionit të 4 në një festë që i dha jetë për një natë kalasë së Rozafës.
Fusha me livando në Koplik të Malësisë së Madhe e Erisa Shabës u shpall fotografia që tregoi ngjyrat e Shqipërisë për vitin 2018.
Për ministrat Ditmir Bushati dhe Blendi Klosi, aktiviteti i këtij viti kishte një vlerë të veçantë!
Bushati: Komponenti kulturor është i rëndësishëm për rilidhjen e Shqipërisë me kontinentin evropian.
Klosi: Nëpërmjet fotove, ajo duket e mrekullueshme, por duke takuar njerëzit, Shqipëria është e magjishme.
Trashëgimia kulturore është ura lidhëse mes të shkuarës dhe të ardhmes, por edhe pikë-takimi i Shqipërisë me Evropën.
Këtë mesazh dha në të parën dalje publike, ambasadori i BE Luigi Soreca.
Soreca: Colors of Albania ka patur një sukses prej hapave të parë dhe unmioni Evropian e ka mbështetur. Kultura dhe trashëgimia janë dy pika kyçe. Tema e këtij e përzgjedhur nga BE “Trashëgimia kulturore dhe përkatësia evropiane”, është e rëndësishme, pasi ato janë urat lidhëse mes të shkuarës dhe të ardhmes. Kultura, diversiteti, që janë baza e BE, por gjithashtu edhe e këtij vendi të mrekullueshëm. Unioni evropian do të vijojë të mbështesë të tilla programe, pasi turizmi dhe kultura janë qendra e të ardhmes së këtij vendi”.
Nga 35 mijë imazhe, u përzgjodhen 100 të tilla për finalen, për t’u shpallur në fund 5 fitues. 2 prej tyre ishin turistë nga Italia dhe Polonia./oranews
