spot_img
HomeKuzhinëËmbëlsirë ftoi

Ëmbëlsirë ftoi

spot_img

Ëmbëlsirat, të cilat zakonisht shërbehen në fund të ushqimit, zënë një vend të posaçëm në kuzhinën turke. Edhe pse kur themi “ëmbëlsira turke” të gjithëve u shkon mendja tek bakllavaja, në Turqi gatuhen dhe konsumohen shpesh edhe ëmbëlsirat me qumësht ose me fruta. Ëmbëlsirat me qumësht që hahen të ftohta zakonisht preferohen në ditët e ngrohta pasi janë të lehta, ndërsa ëmbëlsirat me fruta mund të hahen në çdo stinë. Por, ëmbëlsira e frutave ndryshon nga stina në stinë në vartësi të frutave prej të cilave gatuhet. Ndërkohë që gjatë dimrit më shumë përdoren frutat si ftoi, molla, dardha dhe kungullhaesi, gjatë verës përdoret pjeshka, kajsia dhe fiku. Tani ta përgatisim bashkë “ëmbëlsirën e ftoit”, e cila pëlqehet shumë në kuzhinën turke.

Fillimisht t’i numërojmë përbërësit e nevojshëm për këtë ëmbëlsirë:

  • 3 ftonj
  • gjysmë gote uji sheqer
  • 1 copë kanellë
  • 5 copë karafil
  • 1 limon
  • 1 gotë e gjysmë ujë
  • 3 lugë gjelle kajmak ose krem

Fillimisht një enë të thellë e mbushim me ujë dhe e shtrydhim limonin. Ftonjtë i ndajmë në gjysmë, u heqim farat dhe i qërojmë. Farat i ndajmë më një anë sepse do t’i përdorim gjatë gatimit për t’i dhënë ngjyrë ëmbëlsirës. Që ftonjtë e qëruar të mos nxihet i lëmë të qëndrojnë të gjithë në ujin me limon. Pasi i kemi përgatitur, i vendosim ftonjtë në një tenxhere në mënyrë që pjesa e mesme e farave të jetë e kthyer sipër. Tani në tenxhere hedhim kanellën, karafilat dhe farat dhe mbi ftonj shtojmë sheqerin në mënyrë të barabartë. Pasi të kemi hedhur ujin mbyllim kapakun e tenxheres dhe i ziejmë ftonjtë në zjarr të mesëm deri sa të valojë uji. Pasi të ketë valuar vazhdojmë zierjen në zjarr të ulët edhe për 1 orë -1 orë e gjysmë deri sa ftonjtë të zbuten. Kur të zihen i nxjerrim nga tenxherja në pjatën e shërbimit dhe i lëmë të ftohen. Pasi të jenë ftohur, mbi ftonj fillimisht hedhim nga një lugë nga lëngu ku janë zier dhe më pas hedhim gjysmë luge kajmak apo krem dhe i shërbejmë. Ju bëftë mirë.  /trt.tr.shqip

spot_img
spot_img
Na Ndiqni
16,985FansLike
2,458FollowersFollow
61,453SubscribersSubscribe
Lexo
spot_img
Lajme të Ngjashme