Shoqata e Bletarëve “Rahoveci” do të organizojë një ligjëratë lidhur me përgatitjen e bletëve për sezonin dimëror dhe sëmundjet e ndryshme që prek ato.
Sipas një njoftimit, kjo ligjëratë do të mbahet nga një profesor i spikatur i kësaj fushe që vjen nga Shqipëria.
Profesor Agim Nelaj do të jetë në Rahovec për të ligjëruar, në hapësirën e Kuvendit Komunal të Rahovecit nga ora 11:00.
Temat e ligjërimit, sipas njoftimit, kanë të bëjnë me përgatitjen e bletëve për dimërim, si dhe për sëmundjen shkatërruese të bletëve të njohur si Nozema Cerana.
Organizatorët ftojnë të gjithë bletarët rahovecas që të marrin pjesë në këtë organizim. /Fermerët /Gazeta Bujku