Mjalti i lules së balsamit i nxjerrë nga shpella në 2.500 metra lartësi mbidetare, larg vendbanimeve njerëzore dhe kolonive të tjera të bletëve në Turqi, hyri në Librin e Rekordeve Botërore Guinness si mjalti më i shtrenjtë në botë me 10.000 euro për kilogram.
Lulja e verdhë e balsamit, e cila rritet në malësitë e rajoneve mesdhetare dhe të Egjeut në Turqi, është burimi i këtij mjalti më të shtrenjtë në botë. Në aplikimet e tjera të bletarisë, mjalti korret 2-3 herë në vit, ndërsa mjalti i lules së balsamit mblidhet vetëm një herë në vit. Shumë i ndryshëm nga mjalti tradicional, me një ngjyrë të errët dhe shije të hidhur, ky mjaltë ka veti të larta mjekësore për sa i përket magnezit, kaliumit, fenolit, flavanoideve dhe antioksidantëve. Në sajë të mostrave të dërguara Këshillit Shkencor të Turqisë për të verifikuar vlerën dhe cilësinë e përzierjes korren vetëm produktet me cilësi më të lartë./Trt
